Queer

Queer /kʷɪɚ(ɹ)/) ye un términu global tomáu del inglés y que define l'axetivu como «estrañu» o «pocu avezáu». Emplégase pa designar a persones que nun s'identifiquen colos modelos de xéneru binariu hombre-mujer. Primeramente designaba a persones non-heterosexuales o non cisxéneru, pero estos conceutos tánse revisando y ampliando. Nel contestu de la identidá política occidental, les persones que s'identifiquen como cuir suelen asitiase aparte del discursu, la ideoloxía y del estilu de vida que tipifican les grandes corrientes nes comunidaes LGBTI –lesbianes, gais, bisexuales, transexuales, intersexuales, etc–, que consideren opresivas o con enclín a l'asimilación.

La so traducción al español suel ser «torcíu/a» o raru/a. Por casu, los queer studies anglosaxones, dacuando tradúcense como «estudios torcíos».^[1] Les corrientes teóriques queer tamién defenden l'usu de cuir como traducción correuta n'español y añaden connotaciones polítiques, como indica Sayak Valencia nel so artículu "Del Queer al Cuir: ostranénie xeopolítica y epistémica dende'l sur g-local".

1. ↑ Sexualidá y escritura (1850-2000) (2002) de Raquel Medina Bañón, Barbara Zecchi, Silvia Bermúdez